مع السلامة يا مصر
قد ايه مشتاق اقولهالك وانا مهاجر منك عارفة ليه؟
لأني مش عارف اخدك في حضني نستيني ونسيتي حبي ليكي وخلاص علاقتنا اصبحت ذكريات والله انا بحبك بس خلاص مش قادر اكتر من كده
ناسك فيهم كل العبر نفاق وحب للمناصب ومقالب وتخلف وتلوث وزبالة وروتين وسرقة وواسطة وكوسة ورشوة وفساد وكبت جنسي الضعيف مالوش حد يحميه والكلمة المقدسة وانا مالي كل واحد بيستقوى على الاضعف منه وماتقوليش انت السبب
والله انا مابرميش زبالة في الشارع ومابدفعش رشوة ومش بسرق ومش بعمل اي حاجة تزعلك لكن لحد هنا وكفاية بقى تعبت من اهلك ومن ارفهم نفسي اهاجر واسيبك وانا عارف هتوحشيني لكن ما باليد حيلة ونفسي الاقي مكان تاني نضيف وصدقيني هاسميه مصر
بحبك يا مصر وعلشان خاطري الحقي وحبيني
4 comments:
ذكرتنى بشخص عزيز على قلبي قال لي نفس الكلام و هو ينوى الهجرة
:(
و لم استطع منع دموعي
هذا البلد يخسر شبابه
فكيف يعيش بشيوخه فقط
تحياتي اليك
اشكرك على التحية ويارب يجي اليوم اللي اقدر افتخر بيه بمصريتي
المشكله عزيزتي نور تكمن في ان حتي اللي بيرتشي او بيسرق او او او مش مستوعب ان اللي بيعمله مش صح بيكدب علي نفسه و يقولك مالكل بيعمل كده اشمعني انا
و تلاقي اللي ماشي بما يرضي الله بيجيلو احباط و هو شايف كل اللي حواليه كده و ممكن ينحرف زي اللي شايفهم
اكيد مصر بتحبك ماتخاليش اليأس يتملك منك عزيزتي لو فيه اتنين تلاته زينا مابيعملوش اللي بيعملوه بقيه الناس يبقي ده في حد ذاته مشجع صدقيني
تحياتي ليكي علي البوست المميز و الصوره المعبره
جميل جدا يا نور
مدونتك شدتنى جدا
واسلوبك فى الكتابة بسيط ويشد..وكمان هادف
اتمنالك النجاح والتوفيق
انا كمان اسمى نور
اتمنى تزورنى
http://nour-close.blogspot.com/
نور
Post a Comment